ਗੁਰੂ ਹਰਸਹਾਏ 'ਚ ਲੁਟੇਰਿਆਂ ਨੇ ਗੋਲ਼ੀ ਮਾਰ ਕੇ ਕੀਤੀ ਵਿਅਕਤੀ ਦੀ ਹੱਤਿਆ, ਦੋਸਤ ਨੇ ਖੇਤਾਂ ’ਚ ਲੁਕ ਕੇ ਬਚਾਈ ਆਪਣੀ ਜਾਨ

09/02/2025 | Public Times Bureau | Panjab

ਥਾਣਾ ਲੱਖੋਕੇ ਬਹਿਰਾਮ ਖੇਤਰ ’ਚ ਲੁਟੇਰਿਆਂ ਨੇ ਇਕ ਵਿਅਕਤੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ, ਉਸ ਦੇ ਨਾਲ ਜਾ ਰਹੇ ਦੋਸਤ ਨੇ ਕਿਸੇ ਤਰ੍ਹਾਂ ਖੇਤਾਂ ’ਚ ਲੁਕ ਕੇ ਆਪਣੀ ਜਾਨ ਬਚਾਈ। ਪੁਲਿਸ ਨੇ ਇਸ ਮਾਮਲੇ ਵਿਚ ਤਿੰਨ ਵਿਅਕਤੀਆਂ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਮਿ੍ਤਕ ਦੇ ਪਿਤਾ ਦੇ ਬਿਆਨ ’ਤੇ ਮਾਮਲਾ ਦਰਜ ਕੀਤਾ ਹੈ।

ਜਾਣਕਾਰੀ ਦਿੰਦੇ ਹੋਏ ਥਾਣਾ ਲੱਖੋਕੇ ਬਹਿਰਾਮ ਦੇ ਇੰਸਪੈਕਟਰ ਬਲਰਾਜ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੂੰ ਦਿੱਤੇ ਬਿਆਨ ’ਚ ਗੁਰਦੀਪ ਸਿੰਘ ਪੁੱਤਰ ਬਲਵੰਤ ਸਿੰਘ ਵਾਸੀ ਪਿੰਡ ਹਿਸਾਨਵਾਲਾ (ਚੱਕ ਕਾਠਗੜ੍ਹ) ਥਾਣਾ ਅਮੀਰ ਖਾਸ ਨੇ ਦੱਸਿਆ ਕਿ ਰਾਈਸ ਮਿੱਲ ’ਚ ਵੈਲਡਰ ਦੇ ਰੂਪ ’ਚ ਕੰਮ ਕਰਨ ਵਾਲਾ ਉਸ ਦਾ ਪੁੱਤਰ ਬਲਵਿੰਦਰ ਸਿੰਘ ਉਰਫ ਬਿੰਦਰ ਫਰਵਰੀ ਨੂੰ ਪਿੰਡ ਦੇ ਰਿੰਕੂ ਸਿੰਘ ਪੁੱਤਰ ਗੁਰਬਚਨ ਸਿੰਘ ਵਾਸੀ ਦਰੋਗਾ ਨਾਲ ਕਿਸੇ ਕੰਮ ਦੇ ਸਬੰਧ ’ਚ ਗਿਆ ਸੀ। ਪੀੜਤ ਨੇ ਦੱਸਿਆ ਕਿ 6 ਫਰਵਰੀ ਦਾ ਰਾਤ 10 ਵਜੇ ਜਦੋਂ ਉਹ ਘਰੇਲੂ ਕੰਮ ਨੂੰ ਕਰ ਕੇ ਆਪਣੇ ਘਰ ਵਾਪਸ ਆਉਣ ਲੱਗਾ ਤਾਂ ਫਿਰੋਜ਼ਪੁਰ ਦੇ ਚੌਕ ਬਾਬਾ ਸ਼ੇਰਸ਼ਾਹ ਵਲੀ ਨੇੜੇ ਉਸ ਦਾ ਪੁੱਤਰ ਬਲਵਿੰਦਰ ਸਿੰਘ ਤੇ ਰਿੰਕੂ ਉਸ ਨੂੰ ਮਿਲ ਗਏ।

ਉਸ ਦਾ ਪੁੱਤਰ ਬਲਵਿੰਦਰ ਸਿੰਘ ਤੇ ਰਿੰਕੂ ਮੋਟਰਸਾਈਕਲ ’ਤੇ ਅੱਗੇ ਨਿਕਲ ਗਏ, ਜਿਸ ਤੋਂ ਬਾਅਦ ਜਦੋਂ ਉਹ ਪਿੰਡ ਕਰੀਕਲਾਂ ਨੇੜੇ ਗੁਰੂ ਘਰ ਢਾਬਸਰ ਨੇੜੇ ਪੁੱਜਾ ਤਾਂ ਉਥੇ ਉਸ ਨੇ ਰਿੰਕੂ ਨੂੰ ਖੜ੍ਹਾ ਦੇਖਿਆ। ਰਿੰਕੂ ਨੇ ਉਸ ਦੇ ਪੁੱਤਰ ਨੂੰ ਦੱਸਿਆ ਕਿ ਉਨ੍ਹਾਂ ਦੇ ਪਿੱਛੇ ਤਿੰਨ ਮੋਟਰਸਾਈਕਲ ਸਵਾਰ ਵਿਅਕਤੀ ਆ ਰਹੇ ਸਨ ਜਿਨ੍ਹਾਂ ਨੇ ਉਨ੍ਹਾਂ ਦੇ ਮੋਟਰਸਾਈਕਲ ਬਰਾਬਰ ਲਗਾ ਕੇ ਰੁਕਣ ਲਈ ਕਿਹਾ ਤਾਂ ਉਸ ਨੇ ਮੋਟਰਸਾਈਕਲ ਤੇਜ਼ ਕਰ ਦਿੱਤਾ।

ਜਿਸ ਤੋਂ ਬਾਅਦ ਮੁਲਜ਼ਮਾਂ ਨੇ ਉਨ੍ਹਾਂ ’ਤੇ ਹਵਾਈ ਫਾਇਰ ਕੀਤੇ ਅਤੇ ਲੁੱਟ ਦੀ ਨੀਅਤ ਨਾਲ ਮੋਟਰਸਾਈਕਲ ਉਨ੍ਹਾਂ ਦੇ ਅੱਗੇ ਲਗਾ ਕੇ ਪਰਸ ਤੇ ਮੋਬਾਈਲ ਫੋਨ ਮੰਗਿਆ। ਲੁਟੇਰਿਆਂ ’ਚ ਘਿਰ ਕੇ ਰਿੰਕੂ ਤੇ ਬਲਵਿੰਦਰ ਸਿੰਘ ਨੇ ਮੋਟਰਸਾਈਕਲ ਰੋਕਿਆ ਤਾਂ ਮੁਲਜ਼ਮਾਂ ਨੇ ਬਲਵਿੰਦਰ ਸਿੰਘ ਨੂੰ ਫੜ ਲਿਆ ਅਤੇ ਰਿੰਕੂ ਡਰ ਕੇ ਖੇਤ ’ਚ ਭੱਜ ਗਿਆ।

A Person Was Shot Dead By Robbers In Guru Harshay His Friend Saved His Life By Hiding In The Fields