ਅੱਡਾ ਕਿਸ਼ਨਗੜ੍ਹ ਚੌਂਕ ਵਿਖੇ ਪੁਲਿਸ ਮੁਲਾਜ਼ਮਾਂ ਦੀ ਗੈਰ ਮੌਜੂਦਗੀ ਕਾਰਨ ਲੱਗਾ ਭਾਰੀ ਜਾਮ

20/03/2025 | Public Times Bureau | Panjab

ਪੁਲਿਸ ਮੁਲਾਜ਼ਮਾਂ ਦੀ ਗੈਰ ਮੌਜੂਦਗੀ ਹੋਣ ਕਾਰਨ ਰਾਹਗੀਰਾਂ ਵੱਲੋਂ ਆਪਣੇ ਵਾਹਨਾਂ ਨੂੰ ਉਲਟ ਦਿਸ਼ਾ ਚੋਂ ਕੱਢਣ ਦੀ ਕੋਸ਼ਿਸ਼ ਕਰਦੇ ਹਨ ਜਿਸ ਤੋਂ ਬਾਅਦ ਕਾਫੀ ਲੰਬਾ ਜਾਮ ਲੱਗ ਜਾਂਦਾ ਹੈ, ਜਿਸ ਨਾਲ ਸਥਾਨਕ ਲੋਕ ਦੇ ਨਾਲ ਨਾਲ ਦੁਕਾਨਦਾਰਾਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕਿਸ਼ਨਗੜ੍ਹ ਚੌਂਕ ਦੇ ਨਜ਼ਦੀਕ ਦੋ ਦੋ ਪੁਲਿਸ ਚੌਂਕੀਆਂ ਸਥਿਤ ਨੇ ਇੱਕ ਕਿਸ਼ਨਗੜ੍ਹ ਚੌਂਕੀ ਜੋ ਕਿ ਅੱਡਾ ਕਿਸ਼ਨਗੜ੍ਹ ਤੋਂ ਕਰੀਬ 500 ਮੀਟਰ ਦੀ ਦੂਰੀ ਤੇ ਹੈ ਅਤੇ ਦੂਸਰੀ ਜੋ ਕਿ ਪੁਲਿਸ ਚੌਂਕੀ ਲਾਵਲਪੁਰ ਜੋ ਕਿ ਮਹਿਜ਼ ਤਿੰਨ ਕਿਲੋਮੀਟਰ ਦੀ ਦੂਰੀ ਤੇ ਹੈ ਫਿਰ ਵੀ ਸਥਾਨਕ ਲੋਕਾਂ ਅਤੇ ਦੁਕਾਨਦਾਰਾਂ ਸਮੇਤ ਰਾਹਗੀਰਾਂ ਨੂੰ ਰੋਜ਼ਾਨਾ ਲੱਗ ਰਹੇ ਭਾਰੀ ਟਰੈਫਿਕ ਜਾਮ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਭਾਰੀ ਟਰੈਫਿਕ ਜਾਮ ਦੇ ਵਿੱਚ ਅਕਸਰ ਹੀ ਐਂਬੂਲੈਂਸ ਐਮਰਜੈਂਸੀ ਸੇਵਾਵਾਂ ਦੇਣ ਵਾਲੀਆਂ ਐਬੂਲੈਂਸ ਵੀ ਭਾਰੀ ਟਰੈਫਿਕ ਜਾਮ ਵਿੱਚ ਫਸੀਆਂ ਰਹਿੰਦੀਆਂ ਹਨ ਕਿਸ਼ਨਗੜ੍ਹ ਚੌਂਕ ਨਾਲ ਹੁਸ਼ਿਆਰਪੁਰ ਬਾਇਆ ਆਦਮਪੁਰ ਕਰਤਾਰਪੁਰ ਤੋਂ ਅੰਮ੍ਰਿਤਸਰ ਦੇ ਨਾਲ ਲਿੰਕ ਸੜਕਾਂ ਜੁੜਦੀਆਂ ਨੇ ਅਤੇ ਜਲੰਧਰ ਤੋਂ ਪਠਾਨਕੋਟ ਹਾਈਵੇ ਦੇ ਉੱਤੇ ਕਿਸ਼ਨਗੜ੍ਹ ਅੱਡਾ ਸਥਿਤ ਹੈ ਚਾਰੇ ਪਾਸਿਆਂ ਤੋਂ ਟਰੈਫਿਕ ਨੂੰ ਕੰਟਰੋਲ ਕਰਨਾ ਟਰੈਫਿਕ ਪੁਲਿਸ ਕਰਮਚਾਰੀ ਅਤੇ ਸਥਾਨਕ ਪੁਲਿਸ ਚੌਂਕੀਆਂ ਦੇ ਵੱਸ ਚੋਂ ਬਾਹਰ ਦੀ ਗੱਲ ਹੋ ਗਈ ਹੈ।

Heavy Traffic Jam At Adda Kishangarh Chowk Due To Absence Of Police Personnel