ਥ੍ਰੀ ਵਹੀਲਰ ਤੇ ਪਿੱਕਅੱਪ ਦੀ ਟੱਕਰ, 11 ਵਿਅਕਤੀ ਜ਼ਖ਼ਮੀ; ਚਾਰ ਗੰਭੀਰ
27/05/2025 | Public Times Bureau | Panjabਮਲੋਟ ਰੋਡ 'ਤੇ ਸਥਿਤ ਸਰਕਾਰੀ ਕਾਲਜ ਦੇ ਸਾਹਮਣੇ ਵਾਪਰੇ ਸੜਕ ਹਾਦਸੇ ਵਿਚ ਥ੍ਰੀ ਵਹੀਲਰ ਸਵਾਰ 11 ਵਿਅਕਤੀ ਜ਼ਖ਼ਮੀ ਹੋ ਗਏ।ਪ੍ਰਾਪਤ ਜਾਣਕਾਰੀ ਅਨੁਸਾਰ, ਗਿੱਦੜਬਾਹਾ ਤੋਂ ਸਵਾਰੀਆਂ ਲੈ ਕੇ ਇਕ ਥ੍ਰੀ ਵਹੀਲਰ ਫਕਰਸਰ ਲਈ ਰਵਾਨਾ ਹੋਇਆ ਪਰੰਤੂ ਜਦੋਂ ਉਹ ਮਲੋਟ ਰੋਡ ਸਥਿਤ ਸਰਕਾਰੀ ਕਾਲਜ ਦੇ ਸਾਹਮਣੇ ਪੁਹੰਚਿਆ ਤਾਂ ਇਸੇ ਦੌਰਾਨ ਪਿਛੋਂ ਆ ਰਹੀ ਤੇਜ਼ ਰਫ਼ਤਾਰ ਪਿੱਕਅੱਪ ਗੱਡੀ ਨੰ ਪੀ.ਬੀ.05ਏਆਰ 8956 ਨੇ ਥ੍ਰੀ ਵਹੀਲਰ ਨੂੰ ਟੱਕਰ ਮਾਰ ਦਿੱਤੀ। ਓਧਰ ਜ਼ਖ਼ਮੀਆਂ ਦਾ ਇਲਾਜ ਕਰ ਰਹੇ ਸਿਵਲ ਹਸਪਤਾਲ ਦੇ ਡਿਊਟੀ ਡਾ. ਸੈਮ ਸਿੱਧੂ ਨੇ ਦੱਸਿਆ ਕਿ ਜ਼ਖ਼ਮੀਆਂ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਜਾ ਰਹੀ ਹੈ, ਜਦੋਂਕਿ ਇਨ੍ਹਾਂ ਵਿਚੋਂ 4 ਗੰਭੀਰ ਰੂਪ ਵਿਚ ਜ਼ਖ਼ਮੀਆਂ ਨੂੰ ਬਠਿੰਡਾ ਰੈਫ਼ਰ ਕੀਤਾ ਜਾ ਰਿਹਾ ਹੈ।
Three wheeler And Pickup Collide 11 People Injured Four Seriously
RSS FEED