ਤਰਨ ਤਾਰਨ: ਕਮਰੇ ਵਿੱਚ ਅੱਗ ਬਾਲ ਕੇ ਸੁੱਤੇ ਪਤੀ-ਪਤਨੀ ਦੀ ਮੌਤ, ਠੰਢ ਤੋਂ ਬਚਣ ਦੀ ਕੋਸ਼ਿਸ਼ ਬਣੀ ਹਾਦਸੇ ਦੀ ਵਜ੍ਹਾ
08/01/2026 | Public Times Bureau | Panjabਤਰਨ ਤਾਰਨ: ਵੀਰਵਾਰ ਨੂੰ ਤਰਨ ਤਾਰਨ ਵਿੱਚ ਠੰਢ ਤੋਂ ਬਚਣ ਲਈ ਕਮਰੇ ਵਿੱਚ ਅੱਗ ਬਾਲ ਕੇ ਸੁੱਤੇ ਇੱਕ ਪਤੀ ਅਤੇ ਪਤਨੀ ਦੀ ਦਮ ਘੁੱਟਣ ਕਾਰਨ ਮੌਤ ਹੋ ਗਈ। ਘਟਨਾ ਨਾਲ ਪੂਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਦੌੜ ਗਈ। ਸਵੇਰੇ ਜਦੋਂ ਦੋਵੇਂ ਕਾਫ਼ੀ ਸਮੇਂ ਤੱਕ ਕਮਰੇ ਤੋਂ ਬਾਹਰ ਨਹੀਂ ਆਏ ਤਾਂ ਪਰਿਵਾਰਕ ਮੈਂਬਰਾਂ ਨੂੰ ਸ਼ੱਕ ਹੋਇਆ। ਦਰਵਾਜ਼ਾ ਤੋੜ ਕੇ ਅੰਦਰ ਜਾਣ ‘ਤੇ ਦੋਵੇਂ ਬੈਡ ਉੱਪਰ ਮ੍ਰਿਤਕ ਹਾਲਤ ਵਿੱਚ ਪਏ ਮਿਲੇ, ਜਦਕਿ ਕਮਰੇ ਵਿੱਚ ਬਾਟੇ ਵਿੱਚ ਅੱਗ ਹਾਲੇ ਵੀ ਬਲ ਰਹੀ ਸੀ।
ਪਰਿਵਾਰਕ ਮੈਂਬਰਾਂ ਅਨੁਸਾਰ, ਰਾਤ ਨੂੰ ਕੜੀ ਠੰਢ ਹੋਣ ਕਾਰਨ ਦੋਵੇਂ ਨੇ ਕਮਰੇ ਵਿੱਚ ਅੱਗ ਬਾਲੀ ਸੀ। ਅਨੁਮਾਨ ਲਗਾਇਆ ਜਾ ਰਿਹਾ ਹੈ ਕਿ ਧੂੰਏਂ ਜਾਂ ਕਾਰਬਨ ਮੋਨੋਕਸਾਈਡ ਕਾਰਨ ਦਮ ਘੁੱਟਣ ਨਾਲ ਇਹ ਹਾਦਸਾ ਵਾਪਰਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਮ੍ਰਿਤਕ ਜੋੜੇ ਦਾ ਅੰਤਿਮ ਸੰਸਕਾਰ ਦੇਰ ਸ਼ਾਮ ਗਮਗੀਨ ਮਾਹੌਲ ਵਿੱਚ ਕਰ ਦਿੱਤਾ ਗਿਆ।
Tarn Taran Couple Dies After Lighting Fire In Room Attempt To Escape Cold Caused Accident
RSS FEED