ਪਤਨੀ ਦੀ ਹੱਤਿਆ ਕਰਕੇ ਫਰਾਰ ਹੋਇਆ ਭਾਰਤੀ, FBI ਨੇ 10 ਲੱਖ ਡਾਲਰ ਦਾ ਐਲਾਨਿਆ ਇਨਾਮ

12/03/2026 | Public Times Bureau | Panjab

ਅਮਰੀਕਾ ਵਿੱਚ ਇੱਕ 35 ਸਾਲਾ ਭਾਰਤੀ ਨਾਗਰਿਕ, ਭਦਰੇਸ਼ ਕੁਮਾਰ ਚੇਤਨਭਾਈ ਪਟੇਲ, ਆਪਣੀ ਪਤਨੀ ਦੀ ਹੱਤਿਆ ਕਰਨ ਦੇ ਮਾਮਲੇ ਵਿੱਚ ਫਰਾਰ ਹੈ। FBI ਨੇ ਪਟੇਲ ਦੀ ਗ੍ਰਿਫਤਾਰੀ ਵਿੱਚ ਸਹਾਇਤਾ ਕਰਨ ਵਾਲੇ ਲਈ 10 ਲੱਖ ਡਾਲਰ ਤੱਕ ਦਾ ਇਨਾਮ ਐਲਾਨ ਕੀਤਾ ਹੈ। ਪਟੇਲ ਉੱਤੇ 12 ਅਪ੍ਰੈਲ 2015 ਨੂੰ ਮੈਰੀਲੈਂਡ ਦੇ ਹੈਨੋਵਰ ਇਲਾਕੇ ਵਿੱਚ ਆਪਣੀ ਪਤਨੀ ਪਲਕ ਪਟੇਲ ਨੂੰ ਛੁਰੇ ਨਾਲ ਕਈ ਵਾਰ ਹਮਲਾ ਕਰਕੇ ਹੱਤਿਆ ਕਰਨ ਦਾ ਦੋਸ਼ ਹੈ। ਉਸ ਵਾਰ ਸੂਤਰਾਂ ਮੁਤਾਬਕ, ਪਟੇਲ ਨੂੰ ਆਖਰੀ ਵਾਰ ਨਿਊ ਜਰਸੀ ਦੇ ਨੇਵਾਰਕ ਇਲਾਕੇ ਵਿੱਚ ਦੇਖਿਆ ਗਿਆ ਸੀ।
ਐੱਫਬੀਆਈ ਨੇ ਪਟੇਲ ਨੂੰ ਆਪਣੀ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ ਜਿਸ ਵਿੱਚ ਉਹ 10 ਸਭ ਤੋਂ ਜ਼ਿਆਦਾ ਲੁੜੀਂਦੇ ਭਗੌੜਿਆਂ ਵਿੱਚ ਸ਼ਮਾਰ ਹੈ। ਸ਼ੁਰੂਵਾਤ ਵਿੱਚ 100,000 ਡਾਲਰ ਦਾ ਇਨਾਮ ਰੱਖਿਆ ਗਿਆ ਸੀ, ਜੋ ਬਾਅਦ ਵਿੱਚ ਵਧਾ ਕੇ 2,50,000 ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਇਸ ਨੂੰ 10 ਲੱਖ ਡਾਲਰ ਤੱਕ ਕਰ ਦਿੱਤਾ ਗਿਆ ਹੈ। ਇਹ ਘਟਨਾ 12 ਅਪ੍ਰੈਲ ਦੀ ਅੱਧੀ ਰਾਤ ਦੀ ਹੈ ਜਦੋਂ ਪਟੇਲ ਨੇ ਆਪਣੀ ਪਤਨੀ ਪਲਕ ਉੱਤੇ ਕਈ ਵਾਰ ਛੁਰੇ ਨਾਲ ਹਮਲਾ ਕੀਤਾ ਅਤੇ ਫਿਰ ਪਿਛਲੇ ਦਰਵਾਜੇ ਰਾਹੀਂ ਫਰਾਰ ਹੋ ਗਿਆ।
ਫਰਾਰ ਭਗੌੜੇ ਉੱਤੇ ਕਈ ਗੰਭੀਰ ਦੋਸ਼ ਲੱਗੇ ਹਨ, ਜਿਨ੍ਹਾਂ ਵਿੱਚ ਸ਼ਾਮਲ ਹੈ ਕਿ ਉਸ ਨੇ ਮੌਕਾ ਮਿਲਣ 'ਤੇ ਅਦਾਲਤ ਵਿੱਚ ਮਾਮਲੇ ਤੋਂ ਬਚਣ ਲਈ ਗ਼ੈਰ-ਕਾਨੂੰਨੀ ਤਰੀਕੇ ਨਾਲ ਭੱਜਣ ਦੀ ਕੋਸ਼ਿਸ਼ ਕੀਤੀ। 20 ਅਪ੍ਰੈਲ 2015 ਨੂੰ ਮੈਰੀਲੈਂਡ ਦੇ ਬਾਲਟੀਮੋਰ ਜ਼ਿਲ੍ਹਾ ਅਦਾਲਤ ਨੇ ਉਸ ਦੇ ਖਿਲਾਫ ਗ੍ਰਿਫਤਾਰੀ ਵਾਰੰਟ ਜਾਰੀ ਕੀਤਾ ਸੀ। ਪਟੇਲ ਦੀ ਗ੍ਰਿਫਤਾਰੀ ਲਈ ਹਲਾਤ ਬਹੁਤ ਗੰਭੀਰ ਹਨ ਅਤੇ FBI ਨੇ ਆਪਣੇ ਇਨਾਮ ਪ੍ਰਸਤਾਵ ਵਿੱਚ ਸਹਾਇਤਾ ਦੀ ਅਪੀਲ ਕੀਤੀ ਹੈ, ਤਾਂ ਜੋ ਉਹ ਜਲਦੀ ਕਾਨੂੰਨ ਦੇ ਅੱਗੇ ਜਵਾਬ ਦੇ ਸਕੇ।

Indian Man Absconds After Killing Wife Fbi Announces 1 Million Reward