ਫ਼ਿਰੋਜ਼ਪੁਰ ਪੁਲਿਸ ਵੱਲੋਂ ‘ਯੁੱਧ ਨਸ਼ਿਆਂ ਵਿਰੁੱਧ’ ਮੁਹਿੰਮ ਵਿੱਚ ਵੱਡੀ ਸਫਲਤਾ

15/04/2026 | Public Times Bureau | Panjab

ਫ਼ਿਰੋਜ਼ਪੁਰ ਪੁਲਿਸ ਨੇ ਅਪ੍ਰੈਲ ਮਹੀਨੇ ਦੇ ਪਹਿਲੇ ਪੰਦਰਵਾੜੇ ਵਿੱਚ ਵੱਡੀ ਕਾਰਵਾਈ ਕਰਦਿਆਂ ਨਸ਼ਾ ਤਸਕਰਾਂ ਅਤੇ ਸਮਾਜ ਵਿਰੁੱਧੀ ਅਨਸਰਾਂ ਖਿਲਾਫ਼ ਸਖ਼ਤ ਕਦਮ ਉਠਾਏ ਹਨ। ਇਸ ਕਾਰਵਾਈ ਵਿੱਚ ਪੁਲਿਸ ਨੇ 21 ਕਿੱਲੋ ਹੈਰੋਇਨ, 7 ਪਿਸਟਲ, 7 ਮੋਬਾਈਲ, ਅਤੇ 34 ਸਿਮ ਕਾਰਡ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਵਿੱਚ ਸ਼ਹਿਜ਼ਾਦ ਭੱਟੀ ਵੱਲੋਂ ਭੇਜੇ ਗਏ ਡਰੋਨ ਤੋਂ ਬਾਅਦ ਮਿਲੀ ਹੈਰੋਇਨ ਵੀ ਸ਼ਾਮਲ ਹੈ।
ਮੁੱਖ ਕਾਰਵਾਈਆਂ ਅਤੇ ਬਰਾਮਦਗੀ:21 ਕਿੱਲੋ 343 ਗ੍ਰਾਮ ਹੈਰੋਇਨ521 ਗ੍ਰਾਮ ਆਈਸੀਈ ਡਰੱਗ1 ਕਿੱਲੋ ਅਫੀਮ2 ਡਰੋਨ7 ਮੋਬਾਈਲ ਫੋਨ ਅਤੇ 34 ਸਿਮ ਕਾਰਡ3 ਮੋਟਰਸਾਈਕਲਗਲੋਕ ਪਿਸਟਲ ਅਤੇ ਜਿੰਦਾ ਰੌਂਦਅਹਿਮ ਮੁਹਿੰਮਾਂ:
ਪੁਲਿਸ ਨੇ ਅਪ੍ਰੈਲ ਮਹੀਨੇ ਵਿੱਚ ਦੋ ਪ੍ਰਮੁੱਖ ਮੁਹਿੰਮਾਂ, "ਯੁੱਧ ਨਸ਼ਿਆਂ ਵਿਰੁੱਧ" ਅਤੇ "ਗੈਂਗਸਟਰਾਂ ‘ਤੇ ਵਾਰ", ਦੀ ਸ਼ੁਰੂਆਤ ਕੀਤੀ ਸੀ। ਇਸ ਨਾਲ 10 ਮੁਕੱਦਮੇ ਦਰਜ ਕਰਕੇ 15 ਵੱਡੇ ਸਮੱਗਲਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਥਾਣਾ ਸਿਟੀ ਫ਼ਿਰੋਜ਼ਪੁਰ ਨੇ 5 ਕਿੱਲੋ 10 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ, ਅਤੇ ਸੀਆਈਏ ਫ਼ਿਰੋਜ਼ਪੁਰ ਨੇ 5 ਕਿੱਲੋ 566 ਗ੍ਰਾਮ ਹੈਰੋਇਨ ਅਤੇ 34 ਸਿਮ ਕਾਰਡ ਜ਼ਬਤ ਕੀਤੇ।

ਪੁਲਿਸ ਨੇ ਸਮਾਜ ਵਿਰੁੱਧੀ ਅਨਸਰਾਂ ਦੇ ਖਿਲਾਫ਼ ਵੀ ਕੁਝ ਵੱਡੀਆਂ ਕਾਰਵਾਈਆਂ ਕੀਤੀਆਂ। ਇਨ੍ਹਾਂ ਵਿੱਚ 7 ਪਿਸਟਲ (ਗਲੋਕ 9 ਐੱਮਐੱਮ ਸਮੇਤ), 23 ਜਿੰਦਾ ਰੌਂਦ, ਅਤੇ 2 ਪਿਸਟਲ 32 ਬੋਰ ਬਰਾਮਦ ਕੀਤੀਆਂ ਗਈਆਂ। ਨਾਲ ਹੀ, 13 ਮੋਟਰਸਾਈਕਲ, 16 ਮੋਬਾਈਲ ਫੋਨ, ਅਤੇ 2 ਬੈਟਰੀਆਂ ਵੀ ਬਰਾਮਦ ਕੀਤੀਆਂ ਗਈਆਂ।

ਫ਼ਿਰੋਜ਼ਪੁਰ ਜ਼ਿਲ੍ਹਾ ਪੁਲਿਸ ਮੁਖੀ ਭੁਪਿੰਦਰ ਸਿੰਘ ਸਿੱਧੂ ਨੇ ਸਪੱਸ਼ਟ ਕੀਤਾ ਕਿ ਜ਼ਿਲ੍ਹੇ ਵਿੱਚ ਨਸ਼ੇ ਅਤੇ ਗੈਂਗਸਟਰ ਕਲਚਰ ਖਿਲਾਫ਼ ਕਾਰਵਾਈ ਨੂੰ ਬਹੁਤ ਜ਼ਿਆਦਾ ਤੀਬਰਤਾ ਨਾਲ ਜਾਰੀ ਰੱਖਿਆ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ "ਫ਼ਿਰੋਜ਼ਪੁਰ ਨੂੰ ਨਸ਼ਾ ਮੁਕਤ ਕਰਨਾ ਅਤੇ ਗੈਂਗਸਟਰ ਕਲਚਰ ਨੂੰ ਜੜ੍ਹ ਤੋਂ ਖਤਮ ਕਰਨਾ ਸਾਡਾ ਮਕਸਦ ਹੈ, ਅਤੇ ਕਿਸੇ ਵੀ ਸ਼ਰਾਰਤੀ ਅਨਸਰ ਨੂੰ ਬਖਸ਼ਿਆ ਨਹੀਂ ਜਾਵੇਗਾ"।

Ferozpur Police Achieves Major Success In war On Drugs Campaign