IPL ਚ ਪੰਜਾਬੀ ਭਾਸ਼ਾ ਵਿੱਚ ਕੁਮੈਂਟਰੀ ਕਰ ਸੁਨੀਲ ਤਨੇਜਾ ਨੇ ਜਿੱਤਿਆ ਲੋਕਾਂ ਦਾ ਦਿਲ

06/04/2023 | Public Times Bureau | Punjab

ਫਾਜ਼ਿਲਕਾ ਜ਼ਿਲ੍ਹੇ ਦੇ ਹੁਨਰਮੰਦ ਖਿਡਾਰੀ ਆਪਣੀ ਕਲਾ ਰਾਹੀਂ ਦੇਸ਼ ਭਰ ਵਿੱਚ ਪੰਜਾਬ ਦੇ ਨਾਲ-ਨਾਲ ਸਰਹੱਦੀ ਜ਼ਿਲ੍ਹੇ ਦਾ ਨਾਮ ਲਗਾਤਾਰ ਰੌਸ਼ਨ ਕਰ ਰਹੇ ਹਨ। ਇਸ ਸਮੇਂ ਆਈਪੀਐਲ 2023 ਚੱਲ ਰਿਹਾ ਹੈ, ਜਿਸ ਵਿੱਚ ਫਾਜ਼ਿਲਕਾ ਜ਼ਿਲ੍ਹੇ ਦਾ ਮਾਣਮੱਤਾ ਕ੍ਰਿਕਟਰ ਸ਼ੁਭਮਨ ਗਿੱਲ ਆਪਣੀ ਬੱਲੇਬਾਜ਼ੀ ਰਾਹੀਂ ਜਾਦੂ ਬਿਖੇਰ ਰਿਹਾ ਹੈ। ਦੂਜੇ ਪਾਸੇ ਸੁਨੀਲ ਤਨੇਜਾ ਜੋ ਕਿ ਮੂਲ ਰੂਪ ਵਿੱਚ ਫਾਜ਼ਿਲਕਾ ਦਾ ਰਹਿਣ ਵਾਲਾ ਹੈ, ਪੰਜਾਬੀ ਭਾਸ਼ਾ ਵਿੱਚ ਆਪਣੀ ਕੁਮੈਂਟਰੀ ਰਾਹੀਂ ਲੋਕਾਂ ਦਾ ਦਿਲ ਜਿੱਤ ਰਿਹਾ ਹੈ। ਸਾਲ 2020 ਵਿੱਚ ਸੁਨੀਲ ਤਨੇਜਾ ਨੇ ਜਿੱਥੇ ਆਪਣੇ ਸਾਥੀਆਂ ਨਾਲ ਹਿੰਦੀ ਭਾਸ਼ਾ ਵਿੱਚ ਯਾਦਗਾਰ ਕੁਮੈਂਟਰੀ ਕਰਕੇ ਉਲੰਪਿਕ ਵਿੱਚ ਇੱਕ ਵੱਖਰੀ ਪਛਾਣ ਬਣਾਈ, ਉੱਥੇ ਹੀ ਹੁਣ ਉਹ ਆਪਣੀ ਮਾਂ ਬੋਲੀ ਪੰਜਾਬੀ ਦੇ ਬੋਲਾਂ ਰਾਹੀਂ ਪੰਜਾਬ ਦੇ ਨਾਲ-ਨਾਲ ਫਾਜ਼ਿਲਕਾ ਜ਼ਿਲ੍ਹੇ ਦਾ ਨਾਮ ਵੀ ਰੌਸ਼ਨ ਕਰ ਰਿਹਾ ਹੈ। ਮੂਲ ਰੂਪ ਵਿੱਚ ਫਾਜ਼ਿਲਕਾ ਦੇ ਫਲਾਈਓਵਰ ਨੇੜੇ ਰਹਿਣ ਵਾਲੇ ਸੁਨੀਲ ਤਨੇਜਾ ਨੂੰ ਸਕੂਲ ਤੋਂ ਹੀ ਸਟੇਜ ਸੰਚਾਲਨ ਦਾ ਬਹੁਤ ਸ਼ੌਕ ਸੀ। ਫਾਜ਼ਿਲਕਾ ਦੇ ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਚ ਪੜ੍ਹੇ ਸੁਨੀਲ ਤਨੇਜਾ ਨੇ ਸਕੂਲ ਦੇ ਹਰ ਸਮਾਗਮ ਚ ਹਿੱਸਾ ਲੈ ਕੇ ਅਤੇ ਸਟੇਜ ਦਾ ਸੰਚਾਲਨ ਆਪਣੀ ਆਵਾਜ਼ ਰਾਹੀਂ ਕਰਕੇ ਕਈ ਇਨਾਮ ਜਿੱਤੇ | ਸੁਨੀਲ ਤਨੇਜਾ ਦੇ ਵੱਡੇ ਭਰਾ ਸੰਦੀਪ ਤਨੇਜਾ ਨੇ ਦੱਸਿਆ ਕਿ ਸੁਨੀਲ ਤਨੇਜਾ ਨੂੰ ਸ਼ੁਰੂ ਤੋਂ ਹੀ ਕੁਮੈਂਟਰੀ ਦਾ ਬਹੁਤ ਸ਼ੌਕ ਸੀ।ਸੁਨੀਲ ਤਨੇਜਾ ਨੇ ਸਕੂਲ ਵਿਚ ਕਰਵਾਏ ਪ੍ਰੋਗਰਾਮਾਂ ਵਿਚ ਹਿੱਸਾ ਲੈ ਕੇ ਕਈ ਇਨਾਮ ਵੀ ਜਿੱਤੇ।

Sunil Taneja Won The Hearts Of People By Commenting In Punjabi Language In Ipl