ਗੁਆਂਢੀ ਮੁਲਕ ਆਸਟਰੇਲੀਆ ਦੇ ਵਿਚ ਇਹ ਗੱਲ ਉਠਣ ਲੱਗੀ ਹੈ ਕਿ ਜਿਵੇਂ ਨਿਊਜ਼ੀਲੈਂਡ ਦੇ ਵਿਚ ਦਾਖਲ ਹੋਣ ਵੇਲੇ ਅਰਾਈਵਲ ਕਾਰਡ ਆਨ ਲਾਈਨ ਭਰਿਆ ਜਾ ਸਕਦਾ ਹੈ ਜਿਸ ਨੂੰ ‘ਟ੍ਰੈਵਲਰਜ਼ ਡੈਕਲਾਰੇਸ਼ਨ’ ਕਹਿੰਦੇ ਹਨ ਦੀ ਤਰਜ਼ ਉਤੇ ਇਨਕਮਿੰਗ ਪੈਸੰਜਰ ਕਾਰਡ (ਆਈ. ਪੀ. ਸੀ.) ਲਾਂਚ ਕੀਤਾ ਜਾਵੇ। ਇਸਦੇ ਨਾਲ ਬਿਰਧ ਹੋ ਚੁੱਕਾ ਕਾਰਡ ਭਰਨ ਵਾਲਾ ਸਿਸਟਮ ਖਤਮ ਹੋ ਜਾਵੇਗਾ। ਇਸ ਕਾਰਡ ਦੇ ਵਿਚ ਜਿੱਥੇ ਤੁਹਾਡੇ ਪਾਸਪੋਰਟ ਆਦਿ ਦਾ ਵੇਰਵਾ ਹੁੰਦਾ ਹੈ, ਉਥੇ ਸੰਪਰਕ ਨੰਬਰ, ਟ੍ਰੈਵਲ ਹਿਸਟਰੀ, ਟ੍ਰੈਵਲ ਵੇਰਵਾ, ਤੁਸੀਂ ਕਿਹੜੀ ਵਸੂਤ ਲਿਆ ਰਹੇ ਹੋ ਜਾਂ ਫਿਰ ਇਲੈਕਟ੍ਰਾਨਿਕ ਵੀਜ਼ੇ ਸਬੰਧੀ ਜਾਣਕਾਰੀ ਭਰਨੀ ਹੁੰਦੀ ਹੈ।
ਬਹੁਤ ਵਾਰ ਜਹਾਜ਼ ਦੇ ਵਿਚ ਜਾਂ ਉਤਰ ਕੇ ਕਾਗਜ਼ ਵਾਲਾ ਕਾਰਡ ਭਰਨ ਦੇ ਲਈ ਲੋਕ ਇਕ ਦੂਜੇ ਦੀ ਸਹਾਇਤਾ ਮੰਗਦੇ ਹਨ, ਲਿਖਣ ਦੇ ਲਈ ਪੈਨ ਦੀ ਮੰਗ ਕਰਦੇ ਹਨ ਜਾਂ ਫਿਰ ਗਲਤੀ ਦੇ ਨਾਲ ਉਸ ਚੀਜ਼ ਉਤੇ ਠੀਕਾ ਵੱਜ ਜਾਂਦਾ ਹੈ, ਜਿਸ ਉਤੇ ਨਹੀਂ ਸੀ ਵੱਜਣਾ ਚਾਹੀਦਾ। ਨਿਊਜ਼ੀਲੈਂਡ ਦੇ ਵਿਚ ਇਹ ਆਨ ਲਾਈਨ ਸਿਸਟਮ ਪਿਛਲੇ ਸਾਲ ਜੂਨ ਦੇ ਵਿਚ ਸ਼ੁਰੂ ਕਰ ਦਿੱਤਾ ਗਿਆ ਸੀ।