ਸ਼ਰਾਰਤੀ ਅਨਸਰ ਨੇ ਕੁੱਤੇ ਦੀ ਪੂਛ ਨਾਲ ਬੰਨ੍ਹ ਕੇ ਚਲਾਏ ਪਟਾਕੇ

31/10/2024 | Public Times Bureau | National

ਪਸ਼ੂਆਂ 'ਤੇ ਜ਼ੁਲਮ ਦੀ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਨੌਜਵਾਨ ਨੇ ਮਾਸੂਮ ਕੁੱਤੇ ਦੀ ਪੂਛ ਨਾਲ ਪਟਾਕੇ ਬੰਨ੍ਹਦਾ ਕੈਮਰੇ 'ਚ ਕੈਦ ਹੋ ਗਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ ਜਿਸ ਤੋਂ ਬਾਅਦ ਲੋਕ ਇਸ ਖਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕਰ ਰਹੇ ਹਨ।

ਦੀਵਾਲੀ ਮਨਾਉਣ ਦੀ ਆੜ 'ਚ ਨੌਜਵਾਨਾਂ ਨੇ ਜਾਣਬੁੱਝ ਕੇ ਬੇਜਬਾਨ ਨੂੰ ਨੁਕਸਾਨ ਪਹੁੰਚਾਇਆ। ਉਸ ਨੇ ਕੁੱਤੇ ਦੀ ਪੂਛ ਨਾਲ ਪਟਾਕੇ ਬੰਨ੍ਹ ਦਿੱਤੇ ਤੇ ਅੱਗ ਲਾ ਦਿੱਤੀ, ਜਿਵੇਂ ਹੀ ਪਟਾਕੇ ਚੱਲੇ ਤਾਂ ਕੁੱਤਾ ਡਰ ਕੇ ਭੱਜਣ ਲੱਗਿਆ, ਕਿਹਾ ਜਾ ਰਿਹਾ ਹੈ ਇਸ ਵਿੱਚ ਕੁੱਤੇ ਦੇ ਕਈ ਸੱਟਾਂ ਲੱਗੀਆਂ ਹਨ।ਘਟਨਾ ਦੇ ਸਹੀ ਸਥਾਨ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਵੱਡੇ ਪੱਧਰ 'ਤੇ ਸ਼ੇਅਰ ਕੀਤਾ ਜਾ ਰਿਹਾ ਹੈ ਤੇ ਇੰਟਰਨੈਟ ਉਪਭੋਗਤਾ ਲੋਕਾਂ ਨੂੰ ਇਸ ਵੀਡੀਓ ਨੂੰ ਸ਼ੇਅਰ ਕਰਨ ਦੀ ਅਪੀਲ ਕਰ ਰਹੇ ਹਨ ਜਦੋਂ ਤੱਕ ਰਾਖਸ਼ ਦੀ ਪਛਾਣ ਨਹੀਂ ਹੋ ਜਾਂਦੀ। ਸੋਸ਼ਲ ਮੀਡੀਆ ਯੂਜ਼ਰਸ ਕੁੱਤੇ ਦੀ ਪੂਛ ਨਾਲ ਪਟਾਕੇ ਬੰਨ੍ਹਣ ਵਾਲੇ ਆਦਮੀ ਨਾਲ ਵੀ ਉਹੀ ਸਲੂਕ ਕਰਨ ਦੀ ਮੰਗ ਕਰ ਰਹੇ ਹਨ।

ਉਹ ਮੰਗ ਕਰ ਰਹੇ ਹਨ ਕਿ ਪਟਾਕੇ ਉਸ 'ਤੇ ਬੰਨ੍ਹੋ ਤਾਂ ਹੀ ਉਸ ਨੂੰ ਜਾਨਵਰ ਦੇ ਦਰਦ ਦਾ ਅਹਿਸਾਸ ਹੋਵੇਗਾ। ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਐਕਸ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਕਿਹਾ, "ਅਜਿਹੇ ਅਪਰਾਧੀਆਂ ਦੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।

The Mischievous Elements Tied The Dog s Tail And Fired Firecrackers