ਕੈਨੇਡਾ ਪ੍ਰਸ਼ਾਸਨ ਨੇ ਐਲਾਨ ਕੀਤਾ ਹੈ ਕਿ 2026 ਵਿੱਚ ਵੀ ਪੇਰੈਂਟਸ ਅਤੇ ਗ੍ਰੈਂਡਪੈਰੈਂਟਸ ਪ੍ਰੋਗਰਾਮ (PGP) ਨਹੀਂ ਖੋਲ੍ਹਿਆ ਜਾਵੇਗਾ। ਨਵੀਆਂ ਅਰਜ਼ੀਆਂ ਲਈ ਰੋਕ ਜਾਰੀ ਰਹੇਗੀ ਅਤੇ ਸਿਰਫ਼ 2025 ਤੋਂ ਪਹਿਲਾਂ ਪ੍ਰਾਪਤ ਹੋਈਆਂ ਅਰਜ਼ੀਆਂ ‘ਤੇ ਹੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਸਾਲ ਵੱਧ ਤੋਂ ਵੱਧ 10,000 ਅਰਜ਼ੀਆਂ ਨੂੰ ਪ੍ਰਕਿਰਿਆ ਵਿੱਚ ਲਿਆਂਦਾ ਜਾਵੇਗਾ।
ਜਿਹੜੇ ਲੋਕ ਆਪਣੇ ਮਾਪਿਆਂ ਜਾਂ ਦਾਦਾ-ਦਾਦੀ ਨੂੰ ਕੈਨੇਡਾ ਲਿਆਉਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਸੁਪਰ ਵੀਜ਼ਾ ਦੀ ਸਲਾਹ ਦਿੱਤੀ ਜਾ ਰਹੀ ਹੈ। ਇਸ ਵੀਜ਼ਾ ਨਾਲ ਮਾਪੇ/ਦਾਦਾ-ਦਾਦੀ ਪੰਜ ਸਾਲ ਤੱਕ ਕੈਨੇਡਾ ਵਿੱਚ ਰਹਿ ਸਕਦੇ ਹਨ, ਪਰ ਉਹ ਸਥਾਈ ਨਿਵਾਸੀ ਨਹੀਂ ਬਣ ਸਕਦੇ।
ਪਿਛਲੇ ਸਾਲ 40,000 ਤੋਂ ਵੱਧ ਅਰਜ਼ੀਆਂ ਬੈਕਲਾਗ ਵਿੱਚ ਫ਼ਸੀਆਂ ਹੋਈਆਂ ਸਨ। ਇਸ ਕਾਰਨ, ਨਵੀਆਂ ਅਰਜ਼ੀਆਂ ਲਈ ਪਹਿਲਾਂ ਇਹ ਬੈਕਲਾਗ ਸਾਫ਼ ਕਰਨਾ ਜ਼ਰੂਰੀ ਸੀ। 2025 ਵਿੱਚ ਰੋਕ ਲਗਾਈ ਗਈ ਸੀ ਅਤੇ ਇਹ 2026 ਵਿੱਚ ਵੀ ਜਾਰੀ ਰਹੇਗੀ।
ਕੈਨੇਡਾ ਨੇ ਨਵੇਂ ਸਥਾਈ ਨਿਵਾਸੀਆਂ ਦੀ ਕੁੱਲ ਗਿਣਤੀ ਪਿਛਲੇ ਸਾਲ ਨਾਲੋਂ 4% ਘਟਾ ਕੇ 380,000 ਕਰਨ ਦਾ ਫੈਸਲਾ ਕੀਤਾ ਹੈ।
