ਸੀਤ ਲਹਿਰ ਨੇ ਖੋਹਿਆ ਘਰ ਦਾ ਚਿਰਾਗ, 1 ਮਹੀਨੇ ਦੇ ਮਾਸੂਮ ਦੀ ਸਰਦੀ ਕਾਰਨ ਮੌਤ

07/01/2026 | Public Times Bureau | Panjab

ਬਲਾਕ ਕਲਾਨੌਰ ਦੇ ਸਰਹੱਦੀ ਪਿੰਡ ਖਾਸਾ ਵਿੱਚ ਇੱਕ ਮਾਸੂਮ ਬੱਚੇ ਪ੍ਰਭਨੂਰ ਸਿੰਘ (1 ਮਹੀਨਾ) ਦੀ ਮੌਤ ਹੋ ਗਈ, ਜਿਸ ਕਾਰਨ ਮਾਤਾ-ਪਿਤਾ ਅਤੇ ਪਰਿਵਾਰ ਵਿੱਚ ਸੋਗ ਦਾ ਮਾਹੌਲ ਬਣ ਗਿਆ।
ਕਮਿਊਨਿਟੀ ਸਿਹਤ ਕੇਂਦਰ ਕਲਾਨੌਰ ਵਿੱਚ ਇਲਾਜ ਲਈ ਲਿਆਂਦੇ ਮਾਸੂਮ ਬੱਚੇ ਨੂੰ ਡਿਊਟੀ ‘ਤੇ ਮੌਜੂਦ ਬੱਚਿਆਂ ਦੇ ਮਾਹਰ ਡਾਕਟਰ ਵਿਸ਼ਾਲ ਜੱਗੀ ਨੇ ਮ੍ਰਿਤਕ ਕਰਾਰ ਦਿੱਤਾ। ਡਾਕਟਰ ਵਿਸ਼ਾਲ ਨੇ ਦੱਸਿਆ ਕਿ ਬੱਚੇ ਦੀ ਮੌਤ ਨਿਮੂਨੀਆ ਕਾਰਨ ਹੋਈ।
ਪਿਤਾ ਕੁਲਬੀਰ ਸਿੰਘ ਅਤੇ ਮਾਂ ਨੇ ਦੱਸਿਆ ਕਿ ਪ੍ਰਭਨੂਰ ਬਿਲਕੁਲ ਠੀਕ ਸੀ ਅਤੇ ਰਾਤ ਵਿੱਚ ਉਸ ਨੂੰ ਦੁੱਧ ਪਿਲਾਉਣ ਦੇ ਨਾਲ-ਨਾਲ ਕਮਰੇ ਵਿੱਚ ਹੀਟਰ ਰੱਖਿਆ ਗਿਆ ਸੀ ਤਾਂ ਜੋ ਠੰਢ ਤੋਂ ਬਚ ਸਕੇ। ਪਰ ਬੱਚੇ ਨੇ ਹਿਲ-ਜੁਲ ਨਾ ਕਰਨ ਕਾਰਨ ਤੁਰੰਤ ਚੈੱਕ ਅਪ ਲਈ ਕੇਂਦਰ ਲਿਆ ਗਿਆ।
ਡਾਕਟਰਾਂ ਨੇ ਮਾਵਾਂ ਨੂੰ ਸਲਾਹ ਦਿੱਤੀ ਕਿ ਨੰਨ੍ਹੇ ਬੱਚਿਆਂ ਨੂੰ ਆਪਣੀ ਗੋਦੀ ਅਤੇ ਗਰਮ ਕੱਪੜਿਆਂ ਵਿੱਚ ਲਪੇਟ ਕੇ ਰੱਖਣ, ਬੱਚਿਆਂ ਨੂੰ ਸਿਰਫ਼ ਆਪਣਾ ਦੁੱਧ ਪਿਲਾਉਣ ਅਤੇ ਬਾਹਰੀ ਠੰਢ ਤੋਂ ਬਚਾਅ ਲਈ ਸੁਰੱਖਿਅਤ ਥਾਂ ‘ਤੇ ਰੱਖਣ।
ਇਸ ਘਟਨਾ ਨੇ ਖਾਸਾ ਪਿੰਡ ਵਿੱਚ ਪਰਿਵਾਰ ਅਤੇ ਆਸ-ਪਾਸ ਦੇ ਲੋਕਾਂ ਵਿੱਚ ਦੁਖ ਅਤੇ ਚਿੰਤਾ ਪੈਦਾ ਕਰ ਦਿੱਤੀ ਹੈ।

Cold Wave Takes Away The Light Of The House 1 month old Infant Dies Due To Cold