ਪਟਿਆਲਾ 'ਚ ਅਸਥੀਆਂ ਗਾਇਬ ਹੋਣ 'ਤੇ ਭੜਕਿਆ ਪਰਿਵਾਰ, ਸ਼ਮਸ਼ਾਨਘਾਟ ਦੇ ਪ੍ਰਬੰਧਾਂ 'ਤੇ ਖੜ੍ਹੇ ਕੀਤੇ ਵੱਡੇ ਸਵਾਲ

08/01/2026 | Public Times Bureau | Panjab

ਘਲੋੜੀ ਗੇਟ ਸਥਿਤ ਸ਼ਮਸ਼ਾਨਘਾਟ ਵਿੱਚ ਇੱਕ ਵਾਰ ਫਿਰ ਮ੍ਰਿਤਕ ਦੀਆਂ ਅਸਥੀਆਂ ਗਾਇਬ ਹੋਣ ਦਾ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਘਟਨਾ ਕਾਰਨ ਪੀੜਤ ਪਰਿਵਾਰ ਵਿੱਚ ਭਾਰੀ ਰੋਸ ਅਤੇ ਹੰਗਾਮਾ ਪੈਦਾ ਹੋਇਆ। ਪਰਿਵਾਰ ਨੇ ਸੁਰੱਖਿਆ ਅਤੇ ਪ੍ਰਬੰਧਕੀ ਲਾਪਰਵਾਹੀ ’ਤੇ ਸਵਾਲ ਚੁੱਕਦਿਆਂ ਸ਼ਮਸ਼ਾਨਘਾਟ ਵਿੱਚ ਭਾਵਨਾਵਾਂ ਨਾਲ ਖਿਲਵਾੜ ਹੋਣ ਦਾ ਦੋਸ਼ ਲਾਇਆ।
ਸਥਾਨਕ ਵਾਸੀ ਸ਼ਕਤੀ ਕੁਮਾਰ ਦੇ ਪਿਤਾ ਦੀਆਂ ਅਸਥੀਆਂ ਚੁਗਣ ਲਈ ਪਰਿਵਾਰ ਪੁੱਜਿਆ, ਤਾਂ ਉਨ੍ਹਾਂ ਦੇਖਿਆ ਕਿ ਅਸਥੀਆਂ ਮੌਜੂਦ ਨਹੀਂ ਸਨ ਅਤੇ ਕਰਮਚਾਰੀਆਂ ਨੇ ਕੋਈ ਤਸੱਲੀਬਖ਼ਸ਼ ਜਵਾਬ ਨਹੀਂ ਦਿੱਤਾ। ਪਰਿਵਾਰ ਦਾ ਕਹਿਣਾ ਹੈ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਅਤੇ ਅਵਾਰਾ ਕੁੱਤੇ ਜਾਂ ਪ੍ਰਬੰਧਕੀ ਨਾਕਾਮੀ ਕਾਰਨ ਇਹ ਘਟਨਾ ਵਾਪਰੀ।
ਸ਼ਹਿਰ ਦੇ ਮੇਅਰ ਨੇ ਇਸ ਮਾਮਲੇ ਨੂੰ ਦੁਖਦਾਈ ਮੰਨਿਆ ਅਤੇ ਭਵਿੱਖ ਵਿੱਚ ਸੁਰੱਖਿਆ ਦੇ ਪੁਖ਼ਤਾ ਇੰਤਜ਼ਾਮ ਕਰਨ ਦਾ ਭਰੋਸਾ ਦਿੱਤਾ। ਲੋਕਾਂ ਦੀ ਮੰਗ ਹੈ ਕਿ ਸ਼ਮਸ਼ਾਨਘਾਟ ਵਰਗੀ ਪਵਿੱਤਰ ਜਗ੍ਹਾ ’ਤੇ ਸੀਸੀਟੀਵੀ ਅਤੇ ਰਾਤ ਵੇਲੇ ਚੌਕਸੀ ਵਧਾਈ ਜਾਵੇ ਤਾਂ ਕਿ ਅਜਿਹੀਆਂ ਘਟਨਾਵਾਂ ਦੁਬਾਰਾ ਨਾ ਵਾਪਰਣ।

Family Outraged Over Missing Ashes In Patiala Big Questions Raised On Crematorium Arrangements