HRTC ਬੱਸ ’ਚ ਕੰਡਕਟਰ ਨੇ ਟਿਕਟ ਲਈ ਮੁਟਿਆਰ ਦੇ ਮੋਢੇ 'ਤੇ ਹੱਥ ਰੱਖਿਆ ਤਾਂ ਜੜ ਦਿੱਤਾ ਥੱਪੜ, ਵਿਚਾਲੇ ਸੜਕ ਹੋਇਆ ਖੂਬ ਹੰਗਾਮਾ

16/02/2026 | Public Times Bureau | Panjab

ਹਿਮਾਚਲ ਪ੍ਰਦੇਸ਼ ਰੋਡ ਟ੍ਰਾਂਸਪੋਰਟ ਕਾਰਪੋਰੇਸ਼ਨ ਦੇ ਹਮੀਰਪੁਰ ਡਿਪੂ ਦੀ ਘੰਘੋਟ ਤੋਂ ਹਮੀਰਪੁਰ ਆ ਰਹੀ ਬੱਸ ਵਿੱਚ ਟਿਕਟ ਚੈਕਿੰਗ ਦੌਰਾਨ ਵਿਵਾਦ ਖੜ੍ਹਾ ਹੋ ਗਿਆ। ਰੁਟੀਨ ਜਾਂਚ ਸਮੇਂ ਇੱਕ ਮੁਟਿਆਰ ਅਤੇ ਕੰਡਕਟਰ ਵਿਚਾਲੇ ਤਕਰਾਰ ਹੋਈ ਜੋ ਬਾਅਦ ਵਿੱਚ ਹੱਥੋਪਾਈ ਤੱਕ ਪਹੁੰਚ ਗਈ।
ਪ੍ਰਤੱਖਦਰਸ਼ੀਆਂ ਮੁਤਾਬਕ, ਨਾਰਾ ਦੇ ਨੇੜੇ ਕੰਡਕਟਰ ਟਿਕਟਾਂ ਦੀ ਜਾਂਚ ਕਰ ਰਿਹਾ ਸੀ। ਇਸ ਦੌਰਾਨ ਕੰਨਾਂ ਵਿੱਚ ਈਅਰਫੋਨ ਲਗਾਈ ਬੈਠੀ ਇੱਕ ਮੁਟਿਆਰ ਨੂੰ ਟਿਕਟ ਦਿਖਾਉਣ ਲਈ ਕਿਹਾ ਗਿਆ। ਕਈ ਵਾਰ ਆਖਣ ਦੇ ਬਾਵਜੂਦ ਜਵਾਬ ਨਾ ਮਿਲਣ 'ਤੇ ਕੰਡਕਟਰ ਨੇ ਉਸ ਦੇ ਮੋਢੇ 'ਤੇ ਹੱਥ ਰੱਖਿਆ, ਜਿਸ ਤੋਂ ਬਾਅਦ ਮੁਟਿਆਰ ਨਾਰਾਜ਼ ਹੋ ਗਈ ਅਤੇ ਦੋਵਾਂ ਵਿਚਾਲੇ ਤਿੱਖੀ ਬਹਿਸ ਹੋ ਗਈ। ਦੋਸ਼ ਹੈ ਕਿ ਇਸ ਦੌਰਾਨ ਮੁਟਿਆਰ ਨੇ ਕੰਡਕਟਰ ਨੂੰ ਥੱਪੜ ਮਾਰ ਦਿੱਤਾ।
ਵਿਵਾਦ ਕਾਰਨ ਬੱਸ ਨੂੰ ਰਸਤੇ ਵਿੱਚ ਹੀ ਰੋਕਣਾ ਪਿਆ। ਕੰਡਕਟਰ ਵੱਲੋਂ ਨਿਗਮ ਪ੍ਰਬੰਧਕਾਂ ਨੂੰ ਸੂਚਿਤ ਕੀਤਾ ਗਿਆ। ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਯਾਤਰੀਆਂ ਤੋਂ ਪੁੱਛਗਿੱਛ ਕੀਤੀ। ਬਾਅਦ ਵਿੱਚ ਮੁਟਿਆਰ ਦੇ ਮਾਪਿਆਂ ਨੂੰ ਵੀ ਬੁਲਾਇਆ ਗਿਆ ਅਤੇ ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਥਾਣੇ ਵਿੱਚ ਦਰਜ ਕਰਵਾਈ ਗਈ। ਇਸ ਘਟਨਾ ਦੌਰਾਨ ਹੋਰ ਯਾਤਰੀਆਂ ਨੂੰ ਵੀ ਕਾਫ਼ੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।

In Hrtc Bus Conductor Slapped Young Woman On Shoulder For Ticket Causing Huge Commotion On The Road